Sætasta bókin...

Emil og Fredrik fóru á markað um síðustu helgi (á meðan við Alma lágum veikar heima) og komu heim með þessa yndislegu bók um hann Pétur. Gamlar barna bækur eru svo sjarmerandi og ég vona að við finnum enn fleiri um helgina.

Gamalt og nýtt

Ég gaf Fredrik Ísland í jólagjöf og í stað þess að ramma það inn festi hann lista á kortið og hengi upp.



Smá bamba þráhyggja...


Íkornamynd sem Fredrik fann í Kiruna í síðustu viku er komin upp á vegg.

Jól

Helginni eyddum við á "loppu-mörkuðum" og í að skreyta heima. Nú get ég varla beðið eftir jólunum sem við ætlum að verja á Íslandinu góða! :)

Leikfangaland

Emil á ágætt safn af gömlum fisher price leikföngum og hér er smá brot:

Fredrik átti alveg eins bílahús þegar hann var lítill og honum langaði svo að finna eitt handa Emil. Hann leitaði mikið á netinu, fann ekkert á sanngjörnu verði en allt í einu vikuna fyrir afmælið hans Emils fundum við eitt í búðinni okkar góðu! Ég veit ekki hvor var ánægðari Fredrik eða Emil en það er allavega mikið leikið með húsið sem og allt hitt fisher price dótið.

peningakassinn er tíu árum eldri en ég og hefur örugglega glatt mörg börn í gegnum árin :)

Ég mæli með gömlum leikföngum fyrir börn, þau virðast vera svo miklu sterkari en flest öll leikföng sem gerð eru í dag, þau kosta miklu miklu minna, það er umhverfisvænt að kaupa notaða hluti og mér finnst þau oft vera mun fallegri. Ég nýt þess allavegana á meðan Emil hefur gaman að þeim, á endanum á hann kannski bara eftir að vilja nýja hluti ;p

Ný ljósakróna

Við fundum þessa ljósakrónu um helgina og ég gjörsamlega féll fyrir henni. Mér finnst reyndar nánast allt sem minnir á fimmta, sjötta og sjöunda áratuginn svo fallegt.

Nú hangir hún inni í herbergi hjá Emil og ég kíki reglulega inn bara til þess að dást að henni. :)