Ég bakaði mínar bestu möffins í vikunni, örugglega þær óhollustu líka en algjörlega þess virði.
Möffins u.þ.b. 12 stykki:
4 3/4 dl hveiti
3 dl sykur
3 tsk lyftiduft
1 tsk vanillusykur
2 dl mjólk
150g smjör
Kanilfylling:
50g brætt smjör
sykur eftir smekk
kanill
Krem:
200g flórsykur
100g smjör
smá kaffi
Byrjið á því að bræða smjörið, blandið öllum þurrefnum saman, hellið mjólkinni út í og síðast smjörinu. Blandið vel saman þar til deigið er jafnt. Deilið helmingnum af deginu í möffins form, þar á eftir setjið þið u.þ.b. teskeið af kanilfyllingu í hverja möffins og svo fyllið þið formin með restinni af deginu. Bakið við 200gráður í u.þ.b. 15 mín. Kökurnar eru mjög góðar bara svona en ég sprautaði smjörkremi ofan á nokkrar þeirra til að gera þær enn óhollari. Njótið nú vel...
No comments:
Post a Comment