Alma og mamma

Þar sem ég er yfirleitt á bakvið myndavélina, vantar mig á flestar fjölskyldumyndir. Mér finnst það pínu leiðinilegt og vil að krakkarnir geti séð þegar þau verða stærri að þau áttu líka mömmu. :)
Við Alma settum því upp myndatöku einn dag í vikunni á meðan Emil lagði sig og Alma á sjálf heiðurinn af þessum myndum. Ég stillti tímann og lét myndavélina á gólfið, Alma hljóp svo smellti á takkann og við stilltum okkur upp. Henni fannst þessi leikur alveg ofboðslega skemmtilegur og ég held að ég sé búin að kveikja í smá ljósmyndaáhuga hjá litlu dömunni.