Ég hef ákveðið að taka mynd á dag í eitt ár og ætla að pósta þeim vikulega. Vona að ég nái að halda þetta út og til að auðvelda verkefnið ætla ég ekki að hafa nein takmörk heldur taka mynd af hverju sem er, hversu hversdagslegt sem það verður.
Emil byrjaði árið í baði, hann leit á mig í nokkrar sekúndur og sagði síííís sem er mjög óvenjulegt því venjulega forðast hann stíft að horfa í myndavélina.
Alma fékk prinsessukjól í jólagjöf frá Amöndu frænku sinni :)
Ég var svo stolt þegar Fredrik benti mér á að orkidean okkar væri búin að blómstra aftur. Ég gleymi alltaf að vökva blóm og þau deyja því yfirleitt fljótt hjá mér svo þetta var mikið afrek.
En gleðin entist ekki lengi því daginn eftir tók Emil eftir þessu líka fína blómi og braut það af til að sýna okkur! En jæja kannski gengur betur með næsta blóm :)
♥ Guðný Brá
