Allt að verða klárt

Nú eru bara 5 dagar í settan dag og allt að verða tilbúið fyrir barnið. Við reynum að búa okkur undir að það láti bíða eitthvað eftir sér eins og Emil gerði, en það er samt alltaf jafn erfitt að bíða þegar nær dregur.

Ég hef verið með mikla fyrirvaraverki undanfarið og finnst ég eiginlega ekki geta orðið stærri en annars er ég bara frísk og spræk og get ekki kvartað mikið.

Ég hef verið að dunda mér við að gera rúmið og skiptiborðið klárt, saumaði tvennskonar klæði utan um skiptiborðsdýnuna og finnst það bara frekar krúttlegt.

Mamma sendi okkur þetta flotta teppi sem hún prjónaði fyrir krílið.

Smá af Emil í lokin, upptekin við að horfa á eitthvað spennandi í tölvunni.

-------

It´s only 5 days till the due date and it´s getting harder and harder to wait so I use the time to make everything ready for the baby. We bought this cheap changing table at Ikea and I made it a little cuter by sewing new covers for the changing pad.

Ljúfur laugardagur

Við erum búin að eiga góðan laugardag í garðinum okkar, settum niður kartöflur og ætlum að setja meira grænmeti á morgun, vona bara að veðrið verði aðeins betra.

Ég prjónaði peysuna sem Emil er í um daginn en náði í fyrsta sinn að klæða hann í hana í dag. Hann hefur hingað til ekki viljað sjá hana en ég held að hann sé orðinn sáttur, sem betur fer því það er frekar leiðinlegt að prjóna peysu til einskis.

Í kvöld ætlum við að horfa á úrslitaþátt í körslaget, uppáhalds sænski þátturinn minn þessa stundina. Deili með ykkur lagi úr síðustu þáttaröð, var svo svekkt þegar þessi kór datt út.

Vona að þið eigið góða helgi

-------

We spent the day in our allotment garden and planted some potatoes, the weather wasn´t the greatest but it was a lovely day anyway.

I knitted the hoodie Emil is wearing a while back but for some reason I couldn´t get him to wear it until today. He seemed to like it so I hope he will wear it happily from now on.

Hope you enjoy the rest of the weekend.