40 vikur

Jæja 40 vikur í dag og ég vona að þetta sé síðasta myndin sem ég tek af bumbunni, en hver veit kannski tek ég mynd komin 41 viku. :p

Mér líður annars mjög vel og get því ekki kvartað þó ég þurfi að bíða aðeins lengur, á líka svo sætan strák sem vill vera knúsaður alveg í klessu þessa dagana. Held að hann hefi vit á að nýta tímann vel áður en hann verður stóri bróðir, það verður spennandi svo að sjá hvernig hann tekur nýja systkininu.

Ég hef verið að dunda mér á kvöldin við að hekla skó á krílið og prófaði líka að sauma smekk, þarf bara að kaupa franskan rennilás til að festa á hann.

Vona að þið eigið góðan mánudag

knús

Allt að verða klárt

Nú eru bara 5 dagar í settan dag og allt að verða tilbúið fyrir barnið. Við reynum að búa okkur undir að það láti bíða eitthvað eftir sér eins og Emil gerði, en það er samt alltaf jafn erfitt að bíða þegar nær dregur.

Ég hef verið með mikla fyrirvaraverki undanfarið og finnst ég eiginlega ekki geta orðið stærri en annars er ég bara frísk og spræk og get ekki kvartað mikið.

Ég hef verið að dunda mér við að gera rúmið og skiptiborðið klárt, saumaði tvennskonar klæði utan um skiptiborðsdýnuna og finnst það bara frekar krúttlegt.

Mamma sendi okkur þetta flotta teppi sem hún prjónaði fyrir krílið.

Smá af Emil í lokin, upptekin við að horfa á eitthvað spennandi í tölvunni.

-------

It´s only 5 days till the due date and it´s getting harder and harder to wait so I use the time to make everything ready for the baby. We bought this cheap changing table at Ikea and I made it a little cuter by sewing new covers for the changing pad.